احمد الخطيب عنده 22 سنة معتقل من 3 سنين ونص ومحكوم عليه ب 10 سنين
يقدم لكم موقعكم المتميز اخبار مصر وبخاصة لمتابعية من الوطن العربى العديد من الخدمات التي قد يبحث عنها الكثير على الشبكة العنكبوتية لساعات طويلة ويخرج في نهاية المطاف صفر اليدين لذلك نوفر لك متابعنا العزيز هذه الخدمات عبر موقعنا ونسهل عليك في الوصول اليها واليوم نقدم لك شباب مصر الطاهر
بيموت فى سجون الأنجاس
الشاب الجميل ده اسمه احمد الخطيب عنده 22 سنة معتقل من 3 سنين ونص ومحكوم عليه ب 10 سنين ، احمد كل ذنبه انه كانت جياله منحة دراسية في تركيا فسافرها وكان على موبايله صورة ليه امام مسجد الفاتح بإسطنبول ، الصورة دي كلفته انه بعد ما يقضى سنتين حبس احتياطي يتحكم عليه ب عشر سنين والتهمة صورة .!
احمد شخص وسيم جميل الطباع خفيف الظل بشوش الوجه له ابتسامة لا تفارقه ومتفوق دراسياً وكان بيساعد طلاب الثانوية العامة وبيشرحلهم مادة الأحياء ، ظباط السجن قعدوا يشتموا على القاضي اللي اداله الحكم الجائر ده لإنه اصلا ميستاهلش يقعد حتى يوم واحد في السجن !
احمد معتقل وهو عنده 19 سنه وكان بيدرس Biotechnology " تخصص نادر " في جامعة مصر للعلوم والتكنولوجيا " MUST " ، والجامعه الوسخه مخلتوش يكمل دراسته علشان معتقل.
أحمد بيموت حرفياً ، بقاله 6 شهور تعبان و اهله ميعرفوش عنده ايه و ادارة السجن رافضه علاجه، بعد معاناه رحلوا احمد مستشفى سجن ليمان طره و بعد اجراء بعض التحاليل اكتشفوا انه احتمال يكون عنده لوكيميا " سرطان الدم " او مرض شديد بالطحال او الكبد وكلهم اخطر من بعض ، احمد وزنه وصل 40 كيلو وملامحه اتغيرت من التعب ، وحالته متأخره جداً بسبب الإهمال الطبي ولسه برضه ممنوع من العلاج.
ادعوا لأحمد و انشروا واتكلموا عنه ع الأقل مايموتش في السجن
تعليقات
إرسال تعليق